Chehre Ke Gam Ko Yun..

chehre ke gam ko yun hasi se tum chhipaya na karo,

aankho ki hasrat ko khud me dabaya na karo,

In seep si palko ke moti  pighal na jaye,

aansu se inko roj  bhigoya na karo,

tha waqt rangin sath tere khushiya jab tak thi,

raho men uski kami se jindagi bikhari,

kar yad har pal ko dil tera rota to ab bhi hai,

bite palo men kal ki hasi ko  bhulaya na karo,

In seep si palko ke moti  pighal na jaye,

aansu se inko roj  bhigoya na karo,

patjhar ka mausam to dar pe roj na hoga,

kal fir hasi ke sath sawan laut aayega,

bhingegi khushiyan sans bankar lamho ki bundon me,

barish ke intjar me tum muskuraya kro,

In seep si palko ke moti  pighal na jaye,

     aansu se inko roj  bhigoya na karo.....