Tumse Mera Rishta Kuch Is Tarah Se Juda Hain..
Tumse mera rishta kuch is tarah se juda hai
judaa ho ke bhi tumse juda ho nahi pata main
din bhar saath rahun tumhare agar main tab bhi
raat ko tumhare khwab binaa so nahi pata main
machalta hai dil mera tumse milne ko har pal
ek roz tumse mile bina reh nahi pata main
nibhaye jaa raha hoon rishtaa dosti ka tumse
tumse mohabbat hai , kabhi ye keh nahi pata main
kuch nahi aisa mere baare me jo tumko nahi pata
bas ek ye raaz hai jo tumhi se keh nahi paata main
seh letaa hoon har dard is zamane me main haske
bas dard judai ka tumse kabhi seh nahi pata main
achcha lagta hai saath tumhara, batein tumhari
baithi raho paas mere, kuch aur nahi chahta main
dekhta rahun tumhari aankhon ko umra bhar main
isse zyaada kuch bhi to kabhi nahi chahta main
Comments
Post a Comment