Mumkin Nahi Hain Ki Bich Raah Me..

mumkin nahi hai ki bich raah me saath chhod jaunga main

tum to samajh jaogi, par khud ko kaise samjhaunga main

ye aur baat hai ki sambhal gaya tha pichhli baar main

par ab tum nahi rahoge, to kaise sambhal paaunga main

maaloom hai ki kisi ke sapne sajaane hain mujhko, lekin

kisi aur ke sapne tum hi kaho, kaise tod paunga main

tutaa thaa dil mera pehli baar to tumhara sahara tha

ab apne sahaare se duur jaake kaise thahar paunga main

jaanaa, rishtaa meraa tumse kuch is tarha se jud gaya hai

ki judaa ho ke tumse shayad bemaut hi mar jaaungaa main

sach kehta hoon, mumkin nahi mere liye tumse duur rehnaa

bin tumhaare tufan me tinke ki tarah main udd jaaungaa