Hum To Saya Tera Ban Jayein Agar Tu Chale..
hum to saya tera ban jayein agar tu chale ,
ya kabhi bhi na nazar aayein agar tu chahe..
tu jo chahe to sar-e-aam karein ehd-e-wafa,
yoon hi duniya se guzar jayein agar tu chahe.
.
tujh se milne mein to jana teri ruswayi hai,
hum teri yaad se mil aayein agar tu chahe..
tu jo kah de to pukarein sar-e -bazaar tujhe,
ajnabi ban ke gujar jayen agar tu chahe..
zindagi kar lein agar teri izazat mil jaye,
teri chaukaht pe hi mar jayein agar tu chahe..
tu jo chahe to jamane ke sitam yoon hi sahein,
saari duniya se bhi takra jayein agar tu chahe..
tujhe choom loon meri "janu" chehra lekar,
hum tujhe tujh se bhi milwayein agar tu chahein...
Comments
Post a Comment