Rukh Hawaon Ka Aisa Tha..
rukh hawaon ka aisa tha, apne hi safar ke na rahe hum
rishta apno ne aisa toda, apne hi ghar ke na rahe hum
na mila sahil , na mili kashti, majdhar me hi rahe hum
kiya logo ne begana , apne hi shahar ke na rahe hum
apni parchhayi ko bhi kabhi sukun na mil saka humse
koi manzil hi nahi apni , kahin bhi thahar ke naa rahe hum
kaun apna hai yahan hamaraa , kiske hum paas rahen
kaun soche apne baare me , kisi ke fikar ke naa rahe hum
chahat me khud ko nelaam kar ke bhi dekh liyaa humne
naa rahe kabhi idhar ke , aur kabhi udhar ke naa rahe hum
Comments
Post a Comment