Aankhon Mein Nami Si Rahi ..

zindagi mein mere khushiyon ki kuch kami si rahi,

hothon par muskaan aur aankhon mein nami si rahi..!!

the aankhon mein bahut magar dhundle nazar aaye,

mere khwaabon par mitti ki ek parat jami si rahi..!!

badal jaane ki aadat to rahi mausam ki hamesha,

baat ajeeb hai yeh aadat uski bhi aadmi si rahi..!!

khushi mili bhi kabhi to mujhe khwaab mein mili,

jisme har raat haseen aur subah shabnami si rahi..!!

likhna chaha agar kore kaagaz par maine kuch,

khyal to bahut aaye bas ungliyan thami si rahi..!!